É muito mais que a ausência de enfermidade. É viver bem e dignamente. É desenvolver-nos como pessoas e como comunidade. É ser capaz de estar em profunda conexom com a natureza e com a vida, que é a fonte de toda saúde.
Entendemos que a saúde engloba o bem-estar físico, psíquico, social e espiritual, entendendo este último como aquilo que nos gera paz e nos coneta com a totalidade. Biodanza promove a saúde desde umha perspectiva integral, na medida em que nos possibilita viver bem e reencontrar novos sentidos à nossa existência.
No âmbito físico: promove o equilíbrio orgânico melhorando o sono, o descanso e a alimentaçom; eleva a vitalidade; recobra a relaçom com o próprio corpo desenvolvendo a motricidade e a integraçom entre movimento e emoçom; reabilita os instintos e a conexom com as necessidades autênticas orientadas à autoconservaçom e ao autocuidado.
No âmbito psicológico: melhora o estado de ânimo e a sensaçom de alegria e bem estar; facilita a conexom e expressom de emoçons; reduz o estrés e a ansiedade; aumenta a autoestima; dissolve tensons favorecendo a conexom com o prazer; fortalece a criatividade e aumenta o repertorio de respostas frente à vida.
No âmbito social: melhora a comunicaçom e as relaçons interpessoais, aumenta o sentido de pertença à comunidade; estimula a construçom de relaçons equilibradas; aumenta a conciencia ética cuja base é a inteligencia afetiva.
No âmbito espiritual: promove a serenidade e a harmonia, favorece a superaçom do individualismo e a conexom com a totalidade; gera renovaçom biológica e existencial.